2022 – Zjwaor oppe maag – Es t geveul dr mer is

Tekst: Roger Franssen, Guido Morsblech, Lei de Bruyn
Muziek: Roger Franssen, Guido Morsblech, Lei de Bruyn

Couplet 1:
Soms raak me de kluts kwieët
Verluus me de tieëd
Dat veuelt verzjwaord in de kop
Me kunt neet mieë d’roet
Geen sjpas in de boeët
Dat is wat d’r sjpielt in ee noeëtedop
Mit ee clown op de moeër
Kump gelök waer d’r doeër
’t is fieëst en dat is top

Refrein:
Es ‘t geveuel d’r mér is
Ooch al höbste ’t zoeë gemis
Geet ’t laeve geweuen doeër
Sjleet de klok nog jeker oeër
Aal kömp waer truuk dat zalste zeen
Vastelaovend kump waer heem
Alles kump good jao besjlis
Es de geis d’r mér is

Couplet 2:
Van Eijsde tot Mook
Van Sjtein tot Gebrook
Vieër houwe van dizzen tieëd
Vieër doon same zinge
Muziek deed verbinge
En dat is noeë net wat de luuj verblied
Dus laot uch mér gaon
Blief d’r neet sjtaon
Doog mit en veuel uch vriej