2022 – Dr Dustin – De Vastelaoveskloes

Tekst: July Vijgen (Naar een idee van Jeroen van de Laarschot)
Muziek: Bryan Stelten

Couplet 1:
Ich leep op ‘nne aovend doeër de sjtraote
De sjtraote van os vastelaovesriek
Caféekes waore nog neet lang gesjlaote
’t maönke lachte vruntelik nao mich
Doe zoog ich dao ‘nne gekke kwiebus zitte
Mit sjluppejas en ‘nne hoeëge hood
Hae vroog: help mich effekes mit ditte…
’t lukt mich zelf toch neet zoeë good.

Refrein:
Doog mit mich mit
Haol droet wat hie drin zit
’n vastelaoveshit
wat In dit keske zit
De kloes gekraak
’n melodie gemaak
Mit vastelaovessjmaak
Van elf x elf!

Couplet 2:
Ich drieënde aan de knöpkes van zien keske
Ich rammelde ‘ns gans hel aan die deur
Dae flabbes trok mich toen ‘ns aan mien jeske
En reep wat sjtilt dat fispernulle veuër?
Opins begos ’t mich dan toch te dage
De code waor besjlis roeëd, gael en greun
Begos mich aan ’t krake doe te wage
En sjprong van bliedsjap oet mien sjieke sjeun.