2022 – Breuker Neutjes – Alles oet de kas!

Tekst: Lucienne Bertrand, Marcel de Jonge, Anthony Klever en Guy Vrancken
Muziek: Michiel Hartholt

Couplet 1:
In d’r sjtöb op zolder, ’n auw kleijerkas
Sjteit d’r al get jaore, knaokevol mit sjpas
Ich razel noe al waeke, waer ramenasse döl
Die kas die mot ech aope! Höleuvertröl

De duëre vleege aope; Knatsj, boem, paaf!
Kluëre vol verhaole op mich aaf
Hawt die sjoeën mominte veuër noe en ummer vas!
Vastelaovessjpas! Haol alles oet de kas!

Couplet 2:
Heudje va mien oma, d’r sjluppejas va pap,
zoot vreuger wie gegaote, noe ellef pond te krap
Sjmienk op ’t pekske, ’n muulke op de kraag
va mien allerleefste, ’t waore drie dol daag!

Wat rolt d’r oet de kas? Knatsj boem paaf!
Kluëre vol verhaole op mich aaf
Hawt die sjoeën mominte veuër noe en ummer vas!
Vastelaovessjpas! Haol alles oet de kas!

Brug:
Trik get oet de kas, weg mit al dien zörge
Plek veuër nuuj verhaole va gister, va huuj en va mörge

Refrein:
Hoddel get biejaen mit sjpas
en pak mich noe ’s sjtevig vas
Vier danse same oet de pas
Haol alles oet de kas!