Boemele! (2017-2018)

Tekst: July Vijgen
Muziek: Bryan Stelten
Uitvoerende: De Bölkes

Couplet 1:
Nonnevot en ’n glaas beer
Hubbe vier paraat!
Gooie zin, sjpas aan ’t plezeer
Lekk’re erpelsjlaat!
Tuutje friet mit mayonais
Dát luste vier waal
Gans veuërenaan in polonais
Doer de ganse zaal!

Refrein:
Dan gaon vier boemele
Kom boemel mit os mit
Noe laot os vastelaovend viere ongerein
Dan gaon vier boemele
En gans Gebrook dat wit
Mit vastelaovend, jong, dan gaon vier wie ‘nne trein
Dan gaon vier boemele
Noe zurreg dat gier zit
Mit lekker get aan ’t buffèt dat is pas fijn
Dan gaon vier boemele
Kom boemel mit os mit
Noe laot os vastelaovend viere ongerein!

Couplet 2:
Vier vange os ‘nne caramel
Woeë d’r optoch trikt
Vier aete os ‘nne fricandel
Es ’t klökske heivesj tikt
Kloonejas en ‘n roej naas
Jao dat sjteit os waal
Kom laot ‘ns gaon en gaef ‘ns gaas
Doer de ganse zaal!

Brug:
Want witste waal wat ’t geval is
Es ’t mit vastelaovend carnaval is
Dan lache vier toch mit van allès
Es ’t mer gekke kwatsj of sjaele kal is…..